O ile a swarwa ke maphoodisa ka morago ga go hwetšwa a nameditše batho ba gotšwa ka ntle ga Afrika Borwa, ba go hloka ditshwanelo.
Go kwagala gore batho ba batšwa nageng ya Zimbabwe ebile ga se batla ka molao mo Afrika Borwa.
Ye mengwe ya melato ke gore o nameditše batho ba go lekana 80 ka gare ga pese e tee, mola pese e dumelwetše go laiša batho ba 65.
Ba bagolo ba maphoodisa a Afrika Borwa wa ile ba mo lefiša fiene ya tšhelete ya go lekana R100 000, ka molato wo a o dirilego.
Mootledi o ile a leka go tšhaba ka morago ga go bona maphoodisa efela seo ga sa phethagala, go itaetša gore wa tseba gore o robile molao.
Mmoleledi wa maphoodisa a Limpopo “Colonel Malesela Ledwaba” o ile a hlatsela gore godimo ga batho ba 80, masonešupa (76) ba bona ke matšwa ntle a go hloka dipampiri.
Maphoodisa a thušitše ke South African Parks Rangers go hwetšwa pese ye, ya go rwala merafe ya go hloka ditokomane tša tšhwanelo.
