Ditsebi tša maphelo di re basadi ba bantši ba imelwa ke mediro ya ka gae, tlhokomelo ya malapa, mošomo le ditlamo tša setšhaba, gomme seo se feleletša ka gore ba bee maphelo a bona morago.
Ka lebaka leo, go kgothaletšwa gore basadi ba ikgopolele ka boomo gomme ba dire ditlhahlobo tša maphelo ka mehla, kudukudu ge go ketekwa kabelo ya bona setšhabeng.
Molaodi yo mogolo wa Affinity Health, Murray Hewlett, o gateletše bohlokwa bja go lemoga malwetši ka pela. O boletše ka go lebanya gore: “Lokho kungasiza ukuthi kusheshe kubonakale izimo, izinkinga nezifo okwehlukene okusuke kudinga ukulungiswa kusenesikhathi – okungasiza ukunqanda ukubhoka komonakalo ongaba khona emzimbeni nasegazini labo uma bengazinakekeli,” kusho uHewlett.
Go ya ka tlhahlo ye, Pap smear le HPV testing di bohlokwa kudu ka ge kankere ya molala wa popelo e sa ama basadi ba bantši ka Afrika Borwa.
Basadi ba mengwaga ya go tloga go 25 go fihla go 65 ba eletšwa go hlahlobelwa ka mehla, gantši ka morago ga mengwaga ye mehlano.
Gape, go hlahloba matswele le mammogram ga se ga basadi ba fetilego mengwaga ye 50 feela.
Go eletšwa gore le ba mengwaga ya 40 go ya godimo, kudukudu bao ba nago le histori ya bolwetši ka malapeng, ba hlahlobelwe gantši.
Le tlhahlobo ya blood pressure, cholesterol le glucose e bohlokwa, kudu go ba mengwaga ya 35+ le ba nago le histori ya bolwetši bja pelo goba swikiri.
Ditsebi di boetše di laetša bohlokwa bja maphelo a tswalo le a monagano.
Dika tša go swana le bohloko bja go ilela kgwedi, diphetogo tša mmele, go fokotšega goba go nona kudu, goba bothata bja go ima di ka bontšha mathata a hlokago kalafo.
Dinyakišišo di bontšha gape gore basadi ba kotsing e kgolo ya kgateletšego ya monagano, ka fao go se hlokomologe ditšhupetšo tša yona go bohlokwa.
