Bohwa bja tlhago bja Afrika Borwa bo humile kudu, e bile bo akaretša World Heritage Sites, dithaba tše di kgahlišago, diphoofolo tša naga go akaretšwa le “Big Five”, dimela, dinonyana le dimakatšo tše dingwe tša tlhago.
Se sengwe le se sengwe se bea naga ye mafelelong a borwa a kontinente ya Afrika bjalo ka lefelo la moswananoši la botse bja tlhago.
Morero wa tshedimošo ye ke go matlafatša badudi ka moka gore ba ithute ka bohwa bja bona ka maleme a bona.
Ge batho ba tseba metheo ya bona, ba kgona go ikgantšha ka medu ya bona, gomme ba lebelela bokamoso ka kwešišo le tlhompho ya botse bja naga ye kgolo.
Se se aga boikarabelo bja go šireletša tlhago melokong e tlago.
Karolo ya “Our Environment” e gatelela gore tikologo ke motswako wo boima wa dilo tša mmele, dikhemikhale le tša phedi tšeo di tutuetšago bophelo bja rena.
Diphetogo tše dingwe ke tša tlhago, tše dingwe ke tša motho. Ditaba tša go swana le climate change, food security le conservation di ama maphelo a batho ba lefelong le ka bophara bja lefase.
“South African Nature Guide” e fa babadi tshedimošo ka marine life, mammals, reptiles, birds, flowers le trees, ye e ngwadilwego ke ditsebi.
Dikagare di hwetšagala ka maleme ka moka a semmušo a 11, gore Maafrika Borwa ba hwetše tsebo ka phapano ya tlhago ya naga ya bona ge ba etela botanical gardens, mabopo, mašoka le nature reserves.
Afrika Borwa e na le World Heritage Sites tše seswai tše di filwego ke United Nations Educational, Scientific and Cultural Organization (UNESCO).
Gare ga tšona go na le Robben Island (moo Nelson Mandela a ilego a feditša mengwaga ye 27 e le mogolegwa wa dipolotiki), Cradle of Humankind, iSimangaliso Wetland Park, uKhahlamba/Drakensberg Park, Table Mountain National Park, Cape Floral Region Protected Areas, Vredefort Dome le Richtersveld Cultural and Botanical Landscape.
