Bakganni ba Afrika Borwa ba lemošitšwe gore ba itokišeletše tlhatlogo ye bohloko gape dipompong tša makhura.
Go tloga ka Laboraro la la 2 Setemere, ditheko di tlo rotoga ka matla, gomme se se tla amago malapa a mantši le dikgwebo tšeo di itshepilego dinamelwa letšatši le letšatši.
Ka mantšu a bonolo, molaetša ke gore: “tlatša gona bjale goba o itokišeletše go lefa kudu.”
Petrole e tlo oketšega ka R1.34 ka lithara, mola disele yona e tlo rotoga go fihla go R3.15 ka lithara.
Phapano ye e ra gore bakganni ba dikoloi tša poraebete, ba dinamelwa tša setšhaba, le bašomi ba dipalangwa tša merwalo ba tlo kwa mahloko ka ditsela tše di fapanego, kudukudu bao ba dirišago disele ka bontši.
Go ya ka Mineral and Petroleum Resources Department, lebaka le legolo ke ditheko tša godimo tša oli mmarakeng wa boditšhabatšhaba.
Go oketša moo, phepelo ya disele e sa dutše e gateletšwe ke mathata a lefase ka bophara, gomme seo se tšwetša pele koketšego ye e bogalego.
Maemo a ile a gola le go feta ka morago ga ge Russia e thibetše diromelwantle tša makhura, se sengwe seo se okeditšego kgatelelo phepelong ya lefase.
Ka nako e swanago, peakanyo ye mpsha ya ditheko e akaretša le koketšego ya retail margin yeo e lefšwago diteišeneng tša makhura.
Lefapha le hlalositše gore koketšego yeo e thuša go rwala ditshenyagalelo tša meputso ye e hlatlogago ya bašomi ba diteišene, mola le slate levy le lona le tsenya letsogo tlhatlogong.
Bahlahlobi ba ikonomi ba lemoša gore se se ka godiša le ditheko tša dithoto le ditirelo.
