Moprodusara wa Amapiano DJ, Zakhele “Sobzeen” Mbuyisa, o tlišitše mabaka a boima khahlanong le mošomi-mmogo wa gagwe wa mmino, DJ Stokie.
O bolela gore o adimile Stokie tšhelete ya go lekana R2,4 milione ka diphetho tša mmino tše ba di dirilego mmogo.
“Ke be ke dula studio ke dira medumo ya mmino “beats”, ka nako yeo, ke be ke leka go bontšha bokgoni bja ka” arealo Sobzeen.
O ile a tlaleletša ka gore dikoša tše dingwe di ntšhitšwe ka ntle le tumellano ya gagwe mola ele gore o tšere karolo.
Le ge a be a šomile kudu go bopa dikoša tšeo, Sobzeen o re ga se a fiwa tumelelo goba moputso wo o lekanyetšwego.
Karolo ya gagwe ya ditšhelete tša mmino, go ya ka diphetho tša Spotify le mekgwa ye mengwe ya go thekga mmino, e ka bago R2,4 milione.
“Ba mpoditše feela 15%, yeo e swanago le R360,000 Spotify fela, pele ga dikoloto” arealo Sobzeen, gomme se se bontšha gore ba mo ropile.
Dikontraka le ditumellano dia hlokega ka nako tšohle mo lehlakoreng la mmino, gomme baopedi ba swanetše go lemoga.
