Lapa la Mohosana le tsene mafelelong a ngwaga wa 2025 ka lethabo le legolo ka morago ga go hlagela ke tše botse.
Murdah Bongz, yo leina la gagwe e lego Bongani Mohosana, o thabiša batswadi ba gagwe ka go ba rekela ntlo e mpsha ye botse kudu.
Ba bangwe bare se ke Black Tax, eupša go yena ke go bontšha lerato, tlotlo le tebalelo.
Murdah Bongz o ile a ba makatša ka letšatši leo a ba iša ka ntlong ye mpsha ba sa tsebe gore ke eng seo ba se biletšwago.
Letšatši leo le bile le lethabo le legolo, meokgo ya boipshino, dikeletšo le poledišano ya lapa.
Bao ba bego ba se gona ba bone dilo tšohle ka dingwalwa le dinepe tšeo di phatlaladitšwego mo dkgokaganyo tša leago.
Mosadi wa gagwe, DJ Zinhle, o bile mongwe wa bao ba arolelanego motsotswana woo wa bohlokwa.
O phatlaladitše dinepe tša letšatši leo, gomme ka sereto sa gagwe o šegofaditše lapa la Mohosana ka ntlo e mpsha.
Ebile o retile Murdah Bongz ka pelo ye kgolo ka ge a dirile modiro wo mobotse wa go bontšha lerato go batswadi ba gagwe.
