Setheo sa Bosetšhaba sa Tlhabollo ya Bafsa (NYDA) se beakantšwe go swara Tafola ya Kgokolo ya Bafsa ya Magareng ga Meloko ya G20 ka Johannesburg ka la 28 Mosegamanye 2025. Tiragalo ye ya maemo a godimo e bopa karolo ya tema ya boetapele bja Afrika Borwa nakong ya Bopresidente bja yona bja G20, go kopanya balwela bafsa, ditsebi, batšweletši ba melawana, bahlankedi ba mebušo, le boditšhabatšhaba balekane.
Motlatšamopresidente Paul Mashatile o tla fa polelo ya motheo, a laetša bohlokwa bja go beeletša ka go bafsa go aga mmušo wa tlhabollo wo o nago le bokgoni. Seboka se se tla lebiša tlhokomelo go maano a tlhabollo ao a akaretšago bohle, go tšwetša pele tekatekano, boitlhamelo, le go aga bokgoni bja bafsa.
Dihlogo tše bohlokwa di akaretša ,Go rarolla ditlhohlo tšeo bafsa ba Afrika Borwa ba lebanego le tšona ditharollo tša Pholisi ya Tirišano Go hlahloba maitapišo a go swana le Lefelo la Kgwebišano ya Tokologo ya Kontinente ya Afrika (AfCFTA) – Dipeeletšo tša Togamaano, Go maatlafatša thuto, tlhabollo ya bokgoni, le kgolo ye e akaretšago bohle Tiragalo ye e ikemišeditše go phagamiša mantšu a bafsa ka bosetšhaba le lefaseng ka bophara ditshepedišo tša go tšea diphetho, go akgofiša go akaretšwa ga bafsa ka ekonoming, dibopego tša taolo, le ditshepedišo tša tswalano ya diphedi le tikologo ya tšona tša boitlhamelo.
Ka ge Afrika Borwa e le ka pele ga G20, kopano ye e tšweletša sebaka sa moswananoši go bafsa go bopa bokamoso bja tlhabollo ya naga.
