Naletšana ya Tiktok Grace Mondlana, o utollotše bohloko bjo bogolo bja go lahlegelwa ke lesogana la gagwe la kgale, Sipho Lazarus Zulu.
Zulu o hlokofetše ka di 29 tša June, ka morago ga kotsi e šoro ya sefatanaga.
Ba kopane ka nako ye Grace a bego a na le mengwaga ye 18, mola Sipho a na le mengwaga ye 24 ge bale yunibesithi.
Mondlana o utolotše gore yena le Zulu ba be ba ratana mengwaga e mehlano, gomme o bile lesogana la gagwe la mathomo.
Efela o bolela gore ba dirile kamano ya bona sephiri, ka ge ba kwane gore batlo šireletša lerato la bona.
Mondlana ke lekgarebe la go tuma kudu, gomme taba ye e bile nthla kgolo ya ditaba kua lehlakoreng la Tiktok.
Gape o nale balatedi ba go feta 1.8-milione, ke motho le go hlohleletša bafsa gore ba atlege.
Sipho e be e le lerato la bophelo bja ka go feta mengwaga ye mehlano,” Mondlana a realo.
Kamano ya bona e fedile mathomong a ngwaga wo, eupša bona e ba fela ba hlolana gore ba tsoga gabotse naa.
Go kwagala gore Mondlana ke yena a ailego a beakanya ditaba tša lehu le go thuša ka mašeleng ka ge lapa laga Zulu le mo ratile.
