Hulisani Ravele ke naletšana ya go tuma mo nageng, ebile o nale mengwaga ye 25 goba go feta mo indastering ya boithabišo.
Mošomo wa gagwe o thomile ka 1990 ge a be a bapala karolo ya “Sabrina” lenaneong la bana le le bitšwago Pula & Friends.
Ngwageng wa 2000, o ile a tuma le go feta ka morago ga go tsena lenaneong la bana la go tsebalega la YoTV.
Ka morago ga go tšea sebaka a sa bonagale mo dithelebisheneng, o ile a boela bjalo ka modulasetulo wa Vodacom Millionaires.
O ile a tsena mo sethaleng sa radio ge a fiwa monyetla wa gagwe wa pele wa go emela lenaneo la gagwe kua UJFM.
Ka ngwaga wo o latelago, o ile a thoma lenaneo la poledišano leo le phelago ka letšatši ka tšatši, le bitšwago I Am South African.
Nakong ya gagwe le MSG Afrika, o ile a bontšha bokgoni bja gagwe bja radio ya poledišano gape go POWER 987.
Ka morago ga go gola ka tsela ya botse mo mošomong wa gagwe, o dirile lenaneo la go bitšwa “Purpose. Power. Impact”.
