Mo Afrika Borwa re na le ba bantši ba go tuma bao ba dirišago maemo a bona go thuša setšhaba ka go thea mekgatlo.
Re bone mekgatlo ya go swana le Nomzamo Lighthouse Foundation, Collen Mashawana Foundation, Black Coffee Foundation bjalo-bjalo.
Bjale, le naletšana ya go tuma Hungani Ndlovu, le yena o tsene mo gare ga bao ba kganyago ka go bula mokgatlo wa gagwe.
Mokgatlo wo o mo swa o bitšwa Hungani Ndlovu Foundation, gomme o tla šetša kudu ditaba tša tlhabollo ya bafsa le boiketlo bja banna.
Maikemišetšo a mokgatlo wo ke go phošolla maikutlo a mabe le go hlohleletša bafsa go ba itshware gabotse.
Ndlovu o tsoga a itiretše leina ebile o tuma le go feta, ke moraloki wa mananeo ebile o šetše a tšwa nageng ya United States.
O ralokile mananeo a go swana le bo Scandal le a mangwe, efela ga bjale o lenaneong la Skeem Saam bjale ka Thabo Maputla.
Ka bula ga mokgatlo wo, Hungani o šupa gore bokgoni bja gagwe ga bo fele ka mo sethaleng sa boithabišo feela.
