Batho ba Mzansi ba go rata Amapiano ba letetše ka lethabo, ka ge Leehleza le Myztro ba itokišetša go lokolla koša ye e tšwelelago, “Tobetsa 3.0.”
Ke baopedi ba go tseba medumo ya bona ye e tlišago maatla le medumo ya go dira batho ba bine.
Ga bjale ba šomišana mmogo, koša ye ya Tobetsa 3.0 e šetše e ratwa kudu ke setšhaha go dikgokaganyo tša leago.
Go kwagala gore go nale modumo woo Leehleza a o dirago mo košeng wa “ah ah ah”, ebile gothwe ga se o thome ke yena.
Mabarebare a re ke wa moswara-marapo (MC) “Ross Madlisa”, ebile le yena of hlatsetše seo podcasteng ya Rich B.
Goya pele, Myztro wa tša mmino o dirile poso go dikgokaganyo tša leago are: “Tobetsa 3.0 e tseleng”.
Molaetša woo o dirile gore bathekgi ba tlalelwe mo mebileng ya dikgokaganyo tša setšhaba ka lethabo le ditebogo.
Le ge letšatši la semmušo la tokollo le se le phatlaladitšwe, thabo e šetše e phagame kudu mo setšhabeng.
Leehleza le Myztro ba bontšhitše makga a mantši gore ba tseba go dira mmino wa go ratwa kudu mo nageng ya Afrika Borwa.
