Dithapelo le ditebogo di lebane naletšana ya Afrika Borwa “Enhle Mbali Mlotshwa”, ka gobane o nale kgwebo ye mpsha ya boemedi.
Mosadi yo a tsebjwago ka botse, bokgoni bja gagwe mo mošomong wa boithabišo, gammogo le ka tša kgwebo mo nageng.
O satšwa go phatlalatša go dikgokaganyo tša leago gore o hweditše monyetla wa goba sefahlego sa “Carlton Hair SA”.
Khamphani ye ya Carlton Hair SA e kaga go hlokomela meriri le go e fepa, kudu meriri ya setšo le ya tlhago.
Enhle ke yo mongwe wa dinaletšana tša go tsebalega mo nageng, gomme ke mmakgwebo le moraloki wa mananeo a thelebišene.
Ka dinako tše dingwe o bile a ikgafa ka go kgaola meriri ka moka, go bontšha gore ga a boife le go leka dilo tše diswa.
Bjalo ka sefahlego sa Carlton Hair, re letetše go bona diphetogo tše dintši tša setaele tša gagwe, ge a tlo thoma go šomiša ditlolo tše.
Kgwebo ye ga se fela botumi efela e swanetše go ba tsela ya nnete le therešo ka ge batho ba letetše dipoelo tša maleba.
