Tona ya Dipapadi le Setšo, gape e le moetapele wa Patriotic Alliance (PA), Gayton McKenzie, o boletše gore o tlo tšea kgato ya molao kgahlanong le Open Chats Podcast.
Podcast ya Open Chats e ile ya tšweletša diklipi go plartfomo ya YouTube, gobe go nale dipolelo tša kgethollo kgahlanong le setšhaba sa maColoured kua Afrika Borwa.
Balaodi ba podcast ba boletše gore ” malapa a MaColoured a dira dilo tša manyala gare ga ba lapa.
“Ke nyaka pego lehono ka gore re tlo šoma bjang ka batho bao ba boletšego gore MaColoured ke batho ba go fokola” arealo McKenzie.
Ka morago ga pego ye, Open Chats Podcast e ntšhitše kgopelo ya tshwarelo gomme ya tloša klipi yewe.
Democratic Alliance (DA) le yona e begile podcast ye go South African Human Rights Commission (SAHRC).
“Re lemogile kgopelo ya tshwarelo, efela go kgopela tshwarelo ga go hlakole bohloko bjo bo bakilwego” bare jwalo ba DA.
Sehlopha sa ditokelo tša setšhaba, Cape Forum, le sona se kgadile podcast ye, sa kgopela gore SAHRC e dire dinyakišišo ka botlalo.
