Bakeng sa go keteka mengwaga ye 40 e le gona, sefala sa seya-le-moya sa Metro FM se thakgotše phadišano ya naha ka bophara ya “The Next Wave” go nyaka mmegi wa seya-le-moya yo a tlogo tsenela sefala se ka Mopitlo (December).
Mofenyi o tlo amogela sebaka sa go gaša lenaneo la Metro FM Summer Show nakong ya boikhutšo bwa bofelo ba ngwaga.
Molaodi wa sebaka wa sefala se, Siyanda Fikelephi, o hlalositše gore morero ke go neela bafsa bao ba nyakago go tsena go la boraditaba sebaka sa go tšwelela setšhabeng.
Phadišano ye e buletšwe Maafrika Borwa bohle go sa kgathalasege lekeisene la bona.
Go tsenela, bakgopeli ba swanetše go romela bidio ya metsotsoana e 60 e itlhalošago go thenextwave@metrofm.co.za pele ga la 31 Diphalane (October).
Bidio e swanetše go tla le leina ka botlalo, mengwaga, lekeisene le di-handle tša metswalle ya leago.
Baalogi ba tlo kgetha baphadiši ba 20 pele ga go kgetha ba 4 ba bofelo bao ba tlogo gaša lenaneo ka gare ga seya-le-moya.
Fikelephi o hlohleleditše bafsa go diriša sebaka se ka gore ga se tle kgafetša bophelong.
