Sebopegi sa thelebishene le moemedi wa basadi ba banthši, Minnie Dlamini o etetše lenaneo la “The motherhood network “.
Lenaneo le le diretšwe basadi goba batšwadi bao eleng gore ba goga ka boima goba ba nale kgatelelo ya monagano.
Dlamini boletše ka bohloko bjo a bilego le bjona ka morago ga tlhalo le ka moķgwa wo serithi sa gagwe se ileng sa phuhlama.
“Ke lahlegetšwe ke nna ka morago ga tlhalo, eupša ga bjale ke fetogile lekgarebe le le swa” arealo Dlamini.
O ile a bolela ka kamano ya gagwe le morwa wa gagwe, a gatelela bohlokwa bja go mo godiša bjalo ka monna wa go hlompha.
Dlamini o boletše mantšu a bohloko ka kamano ya gagwe ya pele, a bolela ka tsela yeo setšhaba se bego se mo ahlola ka yona.
Le ge bophelo bja gagwe bo ile bja fetoga, Minnie o re ga se a lahlegelwa ke tsela ya go hwetša bophelo bjo bobotse.
Ka morago ga diphefo tša bophelo, Minnie Dlamini o eme ka bogale, a bontšha gore mosadi a ka lahlegelwa, eupša o swara thipa ka bogaleng.
