Moopedi wa Maskandi, Mphile “Sminofu” Gumede, o bileditšwe Ntlong ya Mgoši wa maZulu ka morago ga go lokolla koša gae e mpsha ya Emachobeni.
Koša ye, yeo e lokollotšwego ka Labohlano, e bolela ka Ntlo ya Mgoši ya Emachobeni Jozini, legae la Mmagogo (Queen) Nomzamo Myeni.
E tla ka morago ga gore bidio yeo e phatlaletšwego e bontšhe Kgoši Misuzulu kaZwelithini a ngangišana le mmagogo ka ga ditšwelopele tsa legae la mgoši.
Mmoledi wa Ntlo ya Mgoši ya maZulu, Mpiyakhe Buthelezi, o netefeditše gore Sminofu o bileditšwe go tlhagelela pele ga lapa la mgoši.
“Ditaba tsa Ntlo ya Mgoši ya maZulu di swanetše go hlomphiwa.
Ga se ditaba tsa mang le mang. Seopedi se swanetše go tla le kgoši (inkosi) ya gagwe go hlaloša gore ke ka baka la eng a lokolotše koša ka ga ditaba tsa Ntlo ya Mgoši ya maZulu,” gwa bolela Buthelezi.
O okeditše ka gore tšatši la theetšo ga le se la bewa, eupša le tla ba gona kgausinyana.
Sminofu o tsebega ka go fetola ditaba tšeo di tlang pele e le dikoša tsa Maskandi.
Dikoša tša gagwe tša go tuma tša go feta di akaretša Imali Yase Absa le Izipikha, tšeo di hlohleleditšwego ke diatlhafatšo tšeo di amang ngaka e tsebegang ya setšo le moetapele yo a hlaheletšego wa kereke ya Shembe.
