Moletlo wa matswalo gantšhi o tsebjwa bjalo ka nako ya go thabelana, go ipshina le go keteka bophelo bja motho.
Eupša mošomi wa kgwebo yo a tumilego gape e lego sebapadi sa mananeo a thelebisene “Angela Ndlela” o ile a dira semaka.
Ka letšatši le a ilego a keteka matswalo a gagwe a a 31, Angela o bontšhitše gore gofa ditebogo le gona go bohlokwa.
O ile a ya gofa baithuti ba sekolo sa Bruynshill Primary kua Swayimana mpho e kgethegilego ka letšatši la gagwe.
Go tloga maabane, Angela o hweditše lerato le thekgo go tšwa go bagwera ba gagwe ya kgwebo le boithabišo.
“Jojo Robinson” yo a tumilego kudu ka lenaneo la Real Housewives of Durban le yena o ile a mo lebogiša mo posong ya gagwe.
O ile a fihla sekolong seo ka mekgwa ya boikokobetšo, a abela bana ka mekotla ya sekolo (school bags) ye meswa.
Go be go thabiša kudu go bona Angela a emišitše bana bao ba bego ba thabile ba bontšha difahlego tša goba le tebogo.
Angela o boletše gore go fa setšhaba ke karolo ya bophelo bja gagwe, gomme o ikemišeditše go tšwela pele ka seo.
