Ntando Duma le monna wa gagwe Una Rams ba amogetše lesea la bona la bobedi, mosetsana yo mobotse, ka tsela ya khutšo le kgotso ye e tletšego bohlale.
Gomme ba ile ba dira se sephiri sa lapa la bona, ase kgale ba nyalane semmušo.
Ba dirile seo gape ka lenyalo la bona, setšhaba ka moka se bone fela ka diswantšhong kua plarfomong ya Instagram.
Mehleng yeo batho ba phelago maphelo a bona mo inthaneteng, ba phatlalatša dilo ka moka ka maphelo a bona.
Efela lapa la ga Rams le ile la dira bokaone kage ba emetše nako ya maleba ya go dira tsebišo go dikgokaganyo tša leago.
Ba kgethile khutšo; go phela bophelo bja bona ka sephiri, ba lokolla ditaba tšeo ka nako yeo bona ba ikwago ba loketše ka yona.
Le pele lesea la bona le ka belegwa, Una o be a šetše a le tatago mohlala go Sbahle Mzizi – ngwana wa Ntando wa pele.
Ka moka ga ditaba tše di monate, se se hlakilego ke gore Ntando le Una ba rata khutšo, se bontšha gore ba kgona go agišana ele ruri.
