Matšatši a sego kae a fetilego, mogokgo wa ditaba yo a tumilego o be a sa tšwa go hwetša maemo a godimo Mokgatlong wa Collen Mashawana Foundation.
Moo a kgethilwego go ba Hlogo ya Dikgokagano (Head of Communication), gomme a šetše a thomile mošomo ka maatla.
Bjale, naledi ya Afrika Borwa Penny Lebyane o okeditše mošomo wo mongwe wo mogolo thelebišeneng.
Go tloga ka la di 6 Dibokwane, o tla bonagala dithelebišeneng tša rena e le moamogedi wa lenaneo le leswa la go bitšwa “Eintlek Let’s Connect”.
Lenaneo le ke la mosegare, le diretšwe go boledišana ka ditaba tša makgonthe, bophelo le mantšu a batho ba Afrika Borwa.
Eintlek Let’s Connect e tla tšwelela beke le beke go SABC 2, go tloga ka Mošupologo go fihla Labohlano, magareng ga 16:30 le 17:30.
Lenaneo le tla ka nako yeo SABC 2 e tsenago mehleng ye mpsha, yeo e lebantšwego go kanegelo ya nnete ya Afrika Borwa.
Ge a arabela mabapi le mošomo wo mofsa, Penny o boletše ka go ikgantšha ka ngwaga wa 2026.
O boletše gape gore babogedi ba ka letela dilo tše botse kudu, ka ge a nale maitemogelo a mantši lefapheng la mananeo.
