Mogale wa bagale wa tša thelebišene le mohlodi wa Lenaneo la Muvhango Duma Ndlovu o ka gare ga sekoloto gape tša (SARS).
Sunday World e ka netefatša gore SARS e ile ya tsenya lengwalo la kahlolo ya go se lefe kgahlanong le Khamphani ya Ndlovu kgorong ya tsheko ya Johannesburg bekeng ya go feta.
Eupša palo yeo ile ya balwa ka morago ga dikotlo tša R140.000 gomme go feta R1 million ka tswalo di ile dia tlaleletšwa – go tliša palomoka ya go feta R11,1 million.
Kgato ye e mpsha ya molao e tla ka fase ga ngwaga ka morago ga gore Ndlovu a swarwe ka ditatofatšo tše di aroganego ka ge gothwe o paletšwe ke go tsebagatša mogolo wa sephiri, leo le bitšago SARS go akanyetšwa go R25 million.
Lengwalo la bobedi, la bohlokwa le ile la latela ka la 7 May, gwa oketšega tšhelete ka lebaka la go feta R15 million, go nale kgonagalo ya gore gobe le dikotlo tša tlaleletšo.
Ka gare ga mangwalo a ka bobedi, SARS e file Khamphani ya Ndlovu matšatši a lesome (10) a kgwebo gore e lefe ka botlalo goba e dire kgopelo ya leano la tefo.
Balaodi ba motšhelo ‘tax’ba file kgalemo ya gore go palela ke go obamela melao e go ka fihla mo eleng gore ba tšea dothoto tša Khamphani.
