Batho ba bantši ba mo inthaneteng ba thabile kudu ka ditaba tše bose tša gore Shalate Sekhabi le Wanda Zuma ba tsene lenyalong.
Shalate le Wanda ba ile ba raloka bjalo ka baratani mo lenaneong la House of Zwide pele ga ge Shalate a etšwa.
Shalate o abetše balateli ba gagwe ditaba tše di bose ka poso ya gagwe ya Instagram, moo a bontšhitšego yena le mogatša’gagwe.
Go bile le mengangišo ye mentši ya setšhaba mo dikgwedi tše di fetilego mabapi le kamano ya Shalate le Wanda.
Ba bangwe ba be ba bolela gore ba babedi ba tsene leratong ka nnete, eupša bona ba be ba sešo ba tiiše goba go phatlalatša.
Go bile le dinako tše dintši tšeo ba bonagalago mmogo ditiragalong tša bohlokwa, ke moka batho ba belaela.
Bjale go hlakile gore lerato la bona le be le le gona go tloga kgale, eupša ba be ba letetše nako ye maleba gore ba bolele.
Baratani ba ba rwele palamonwana ebile ase bona fela, re akaretša le Rorisang Mohapi yo a ralokelago HOZ le yena.
