Moprodusara wa mmino, Smaki 08 o bontšhitše manyami le sekgopi se segolo ka ge leina la gagwe le phaetšwe ka thoko.
Obe a swanetše go berekišana gabotse le DJ Jaivane, efela leina la gagwe leile la ntšhwa mola ele gore album etlo tšwa kadi 31 tša August.
Smaki o ile a phatlalatša maikutlo a gagwe go dikgokaganyo tša leago, a bolela ka mokgwa wo elego gore o berekile ka gona.
Dikotša tša album ye ya DJ Jaivane ke tše 14, gomme smaki o berekile ka boikgafo efela a phaelwa ka thoko.
O boletše gore o šomile ngwaga ka moka, a hlama koša e nngwe le e nngwe, a hlola mantšu le go dira medumo ya tšona.
“Ga se gwa ba le tumellano yeo ke e saenelago, ebile ga se ka kgopelwa dilo tša tshwanelo pele ke dira se” arealo Smaki.
Gomme setšhaba se eme le yena ka go mo thekga, ba phatlalatša hashteke ya gore #JusticeforSmaki08, yona e lwela gore a kgwetše toka.
Taba ya Smaki 08 e hlaloša bohlokwa bja go fa tlotlo le go hlompha mošomo wa batho bao ba šomago ka mmino.
Ka taba ye, ke nako ya gore indasteri ya mmino e be le ponelopele ya go šoma ka toka le go thekga ditokelo tša bašomi.
