Seopedi sa koša ya Biri Marung, Tebogo Mashego, o tšere khutšo go tšwa methopong ya setšhaba le ditiro tša phatlalatšo.
Seo se bakwa ke go dira diphošo mo dikgokaganyong tša leago, a bolela ka baopedi ba bangwe gampe.
Lapa la gagwe le ile la dira poso ya semmušo ka Mokibelo, yona e bolela gore Tebogo otlo tšea nako ya go fodiša hlogo.
Mashego o ile a tšwelela ditabeng tša setšhaba morago ga go diphiri tšeo di mo diragetšego kua nageng ya Nigeria.
Efela ka morago ga mowe o ile a bega video yeo a kgopelago maitshwarelo go DJ Maphorisa le DJ Karri
Batho ba bantši ba nagana gore ga a sa tšea gabotse ka lebaka la dipolelo tša gagwe mo dikgokaganyong tša leago.
Ba bangwe ba dira metlae ka leina la gagwe, ba phela ba mo ekiša ka polelo ya gagwe ye a e gatelelago are “2shot are bjalo”.
Lapa la ga Mashego le lebogile batho ba Afrika Borwa, kudu kudu balatedi ba Tebogo bao ba mofago thekgo ka dinako tšohle.
Ba tsopotše ka go kgopela setšhaba go mo gopola ka dithapelo nakong ye a tšerego ya khutšo gore a fole.
