Tyler ICU le Lorraine Moropa ba fihlile mafelelong a kamano ya bona, gomme ba phatlaladitše seo go dikgokaganyo tša leago.
Goa nyamiša go bona dikamano tša batho ba go tuma di felela moyeng, mola ele gore batho ba ba bona bjalo ka mohlala.
Taba ye e thomile ge Lorraine a phumula diswantšho ka moka tša ga Tyler le go tlogela goba molatedi wa gagwe go Instagram.
Lorraine le Tyler ba thomile go ratana ka 2024, gomme Tyler ICU a tsebiša setšhaba gore ba a ratana ka Manthole wa go feta.
Lerato la bona le be le le botse, le tletse lethabo, ba be ba dula ba abelana ditshwantsho tša bona tša maeto.
Eupša ka Lamorena, 19 October 2025, Lorraine o ngwadile molaetša wa maikutlo go Instagram.
“Modimo o phumolitše meokgo ya ka ka morago ga bohloko le bofora. Ke ile ka utlwa bohloko, eupša Modimo o nthušitše” arealo Lorraine.
Ga go yo mongwe wa bona yo a boletšego selo ka taba ye, eupša batho ba bantši ba nagana gore Tyler o šaeditše Lorraine.
