Basadi in Music Awards, yeo e tsenago ngwageng wa yona wa boraro bjale, ke moketeng o mogolo wa go tumiša bokgoni bja basadi.
E kaga basadi le mmino wa bona, go akaretša babini, baopedi le tšona di DJ tša go dira medumo ya go fapana-fapana ya mmino.
E thomile ka 2022, diphadišano tše di hlodilwe ka pono ya go bontšha, go phagamiša le go tumiša basadi ba ba dirago diphetogo ka gare ga indasteri ya mmino.
Baopedi le babini bao ba thopilego difoka le meputso ba tloga ba thabile ebile ba keteka katlego ya bona, bona ba tsebagala ka tsela ye:
- Lamiez Holworthy wa go tseba ka go dira medumo ya mmino, o thopile sefoka sa goba DJ wa ngwaga kage a tseba seo ase diragago.
- Sebini sa mosadi sa ngwaga wo, ke Shandesh ka ge a thopile sefoka sa go phala babini ka moka.
- Nontokozo Mkhize yena o thopile sefoka sa kotša ya go tuma ya ngwaga wo.
- Gigi Lamayne yena o thopile sefoka sa goba seopedi se hlwahlwa sa mmino wa hip-hop mo ngwageng wo.
- Kharishma o thopile sefoka ka koša ya gagwe ya go tuma kudu, ya go bitšwa Chokeselem.
Gomme go bile babini le baopedi ba go atlega ba bantšhi bao ba thopile difoka go Basadi music awards.
