Minnie Dlamini, o tsentše kgopelo ya molao ya R2.5 milione kgahlanong le bahlami ba Podcast and Chill, MacGyver “MacG” Mukwevho le Sol Phenduka.
Dlamini o ba latofatša ka polelo ya lehloyo, lenyatšo la maikutlo, le kgethollo ya bong, gomme o nyaka toka.
Go ya ka ditokomane tša semolao, Dlamini o nyaka R1 milione bakeng sa bohloko le go senyega ga serithi.
Go nyake gape 1.5 milione ye yengwe gore akgone go abelwa mokgatlo wa basadi wa go bitšwa “Women for Change”.
MacG le Sol ba ile leka go dira kgopelo ya tshwarelo semmušo go dikgokaganyo tša leago, efela Dlamini ga a dumela.
Lekaba la gore a gane ke gore podcast ye e phela e bolela ka yena gampe, gape ba dirile ka bomu.
Mo godimo ga ditšhelete, Minnie o nyaka gore MacG le Sol ba dire kgopelo ya semmušo ye e dumelelwago ke kgoro ya molao.
O boela o nyaka gore ba phethe diiri tše 50 tša thuto ya temogo ya bong le diiri tše 100 tša tirelo ya setšhaba.
Polelo ya podcast e swanetše go lebelelwa bjalo ka kgatello ya bong ka mokgwa wa nyatšo ya setšhaba”.
Ditiro tše di swanetše go phethwa mo dikgweding tše tshela, gomme di tla okamelwa ke Komišene ya molao.
