Gogo maweni, yo a tsebegago bjalo ka ngaka ya setšo o šegofaditšwe ka bana ba babedi ba mafahlana kadi 19 tša kwedi ye.
Yena le monna wa gagwe “Sabelo Mgube” ba dirile tsebišo ya semmušo ka morago ga matšatši a lesome (10) a tswalo ya bana.
Maweni o tsebega bjalo ka moraloki a mananeo a go bontšha bophelo bja gagwe ba nnete mo thelebišeneng.
“Matšatši a 10 a fetile, lerato la rena le bogwera bja rena di matlafetše kudu” arealo Maweni go platfomo ya Instagram.
O be a sa nyake go phatlalatša boimana bja gagwe go dikgokaganyo tša leago, efela o ile a gapeletšega.
Ka Pherekgong 2025, o ile a swarwa gomme a tsenwa kgolegong ya Sun City, ka lebaka la molato wa tlhaselo ya ka 2019.
Ditaba tše di ile tša aparela ditaba ka bophara, gomme ke moo batho ba ilego ba tseba gore Gogo Maweni o be a imile.
Le ge ele gore o be a rwalagane le mathata a mantšhi, Sabelo Mgube, monna wa gagwe, o be a mo eme noka ka mehla.
Lapa la bona le lebane le bophelo bjo bofsa ka ge go nale diphetogo, gomme go tswaleng ga mafahlana go tlišitše lethabo go bona.
