Moraloki wa lenaneo la Shaka iLembe, Thembinkosi Mthembu o laetše lenaneo semmušo kage a tlogetše go šomela lenaneo le.
Mthembu o be a raloka bjalo ka moanegwa wa go bitšwa Kgosi Dingiswayo, gomme Afrika Borwa e ipshinne ka papadi ya gagwe.
Go tloga ka sehla sa pele, Mthembu o bontšhitše bokgoni bja gagwe bjo bo tseneletšego ka go tswetša pele semelo sa gagwe.
Yena o bontšhitše lerato la nnete le boineelo mo tirelong ye, a bontšha gape gore ke yena sebapadi sa maemo a godimo.
Tirelo ya gagwe ya go kgahliša lenaneo e mo tlišeditše difoka tše pedi tša bohlokwa elego SAFTA (South African Film and Television Award le Sabela Award.
Meputso yeo e bontšha kanegelo ya bokgoni bja gagwe le kabelo ye kgolo yeo a e dirilego mo go godišeng ga histori ya setšo sa Afrika Borwa.
Gomme kanagelo ya gagwe e fedišitšwe bjalo ka lehu la sehlogo leo le diragetšego Dingiswayo, yo elego Mthembu ka senama.
Balatamedi ba tlo mo hlolosetša mo lenaneong la Shaka iLembe, eupša bokamoso bja gagwe bo tlo dula bo phadima.
Thembinkosi Mthembu o tlogela karolo ya Dingiswayo ka seriti le ka kgodišego, gomme otla tšwetša ditoro tša gagwe pele.
