Lungile Thabethe le monna gagwe DJ Speedsta ba ketekile matswalo a ngwana wa bona.
Liyana ke leina la ngwana wa bona, ebile o fetotša ngwaga wa gagwe wa mathomo.
Ba ile ba rulaganya mokete o mobotse wo o nago le dikgadišo tša Minnie mouse.
Thabethe o abetše diswantšho tša mokete mo Instagram, gomme sa kgethega kudu ke molaetša wa lerato wo a o ngwaletšego ngwana.
O boletše gore ngwana wa gagwe o fetotše bophelo bja gagwe ka tsela ye botse, gomme a bontšha lerato le legolo leo a nago le lona go yena.
“Ke thabile kudu go ba motswadi wa gago; O tlisitse thabo, lesedi le lerato bophelong bja ka” arealo Thabethe.
DJ Speedsta le yena o bonwe a thabile mo diswantšhong tša lapa, ka ge a keteka letšatši la matswalo la morwedi wa gagwe.
Balatedi ba tloga ba ba thabetše ele ruri, gape le batho ba go tsebega ba ba lebogišitše go letlakaleng la Instagram.
