Monna wa go tsebega wa tša mmino “DJ” Inno Matijane, o phatlaladitše gore o tlogela lenaneo la nnete la Moja Love, The Way Ngingakhoa.
Lenaneo le le šala maphelo a setšhaba sa LGBTQIA+ morago, le bontšha ka moo ba lebanago le mathata a bophelo bja letšatši le letšatši gammogo le ditoro tša bona.
Go molaetša wa gagwe wo a o abetšego maabane (Sunday), Inno o boletše gore o naganne gabotse pele a dira sephetho sa go tlogela.
Le ge a tlogela The Way Ngingakhona, Inno o boletše gore o sa duma go boela gape thelebisheneng ka diporojeke tše dingwe.
“Se ga se mafetšo a leeto la ka thelebisheneng le diporojeke tše dingwe go akaretša le go bapala (acting) le mediro ye mengwe ya boitlhamelo” arealo Matijane.
Matijane o tlogela lenaneo ka pelo e botse le tebogo e kgolo ka ntle le dikgagakgagano.
Tlogelo ya Matijane e swantšhwa le leeto le le fetošago bophelo — o sepela a tletše lerato, bohlale le pono e mpsha ya bokamoso.
