Malcolm-Jamal Warner, sebapadi sa go tuma sa go tsebja kudu ka karolo ya gagwe bjalo ka Theo Huxtable mo lenaneong la thelebishene “The Cosby Show”.
E be e le lenaneo la malapa leo le bego le bontšha bophelo bja malapa a nageng ya America.
Yena o hlokofetše a nale mengwaga ye 54, o lobile bophelo ka morago ga go kgangwa ke meetse ge a be a le boikhutšong le lapa la gagwe.
Ditaba tše di šitišitše setšhaba sa boithabišo, gomme balatamedi le dithaka tša gagwe ba nyamme le go feta.
Bohle bao ba bego ba mo tseba, go akaretšwa le bašomi le bagwera, ba bolela ka Warner bjalo ka motho yo a bego a na le serithi.
Warner o be a sa tsebjwe fela ka karolo ya gagwe thelebisheneng, efela e be ele seopedi sa mmino.
O belegwe ka la 18 Phato 1970, Jersey City, New Jersey, gomme a thoma go bapala mananeo a sale yo mofsa.
Karolo ya gagwe ya pele e be e sa bonagale kudu, efela ka 1984, bophelo bja gagwe bo ile bja fetoga.
Lapa la gagwe le kgopetše khutšo le sephiri ka nako ye ya manyami, gomme le lebogile setšhaba bakeng sa matshidiso.
O tlo gopolwa bjalo ka sebapadi, mopedi, monna wa mekgwa, le motho yo a bego a hlomphega setšhabeng.
