Lady Du, yo a tsebjago ka leina la gagwe la nnete e le Duduzile Ngwenya, ke seopedi sa go tuma sa Amapiano.
Gomme o butši lefelo le lefsa la bana la go loga meriri, kgopolo ye e tlile ka morwedi wa gagwe.
Mošomo wa gagwe wa kgwebo ga se fela ka lebaka la lethabo la botho, eupša ke thekgo le lerato la gotšwa go ngwana wa gagwe.
“Morago ga dikgwedi tše mmalwa morwedi wa ka o ile a mpotša gore o nyaka brand ya gagwe le salon” arealo Ngwenya.
Ngwenya o ile a phethagatša ditoro tša ngwana wa gagwe ka go mo agela lefelo la maemo le lebotse la go loga meriri.
Salon ye e mpsha, ye e bitšwago Wawa La Cutzie, e agilwe ka morago ga Wawa La Beauty, e lego salon ya gagwe ya pele.
Yona e tletše ka dibuka, di-iPad, le party packs, go fa bana boitemogelo bjo bo sa tlwaelegago le lerato.
Ka godimo ga moo, Lady Du o bea kgato pele ka go tsebiša gore o tla bula projeke ya go ruta bana go dira manala.
Toro ye nnyane ya morwedi wa gagwe e fetogile kgwebo ya nnete, yeo e tlago go hlohleletša batho ba bantšhi setšhabeng.
