Sebasa Mogale, moraloki wa thelebišene le lentšu la radio, o keteka mengwaga ye 13 a le ka gare ga lenaneo la Skeem Saam.
Mogale o bapala karolo ya Dr. Hlongwane, ngaka ye botho ye šomago Turf Hospital, gape e le tate wa Amukelani (Brendan Maphake.)
O ngwadile molaetša wa tebogo go dikgokaganyo tša leago tša go swana le Instagram, Facebook le tše dingwe.
“Ke mengwaga ye 13 mo Skeem Saam. Leeto le sa le tšwela pele gape ke leboga thekgo ya lena” arealo Mogale.
Go tlaleletša mošomo wa gagwe wa go bapala, Sebasa o tsebega gape bjalo ka moemedi wa seyalemoya mo seteišeneng sa Thobela FM.
Mošomo wa gagwe o akaretša diphetogo tše kgolo mo indastering ya boithabiso, gape sale a ralokela terama ya seyalemoya.
Sebasa Mogale o šetše a le lenaneong la Skeem Saam mengwaga ye 13, gomme leeto la gagwe le saya pele.
