Setšhaba sa barapedi ba gospel le sa borapedi ka bophara se mahlokong ka morago ga lehu la moruti Dr Simon Gumbi.
Gumbi o hlokofetše ka mošupulogo ka morago ga bolwetši bjo bo telele, gomme o hlokofetše a nale mengwaga ye 66.
Dr Gumbi o be a tumile kudu ka polelwana ya gagwe ya go kgahliša, “U-Amen Usekhona?” yeo emo dirilego gore a ratege lego feta.
O ile a tuma mo mengwageng ya bo1990 ka dithuto tša gagwe tša seyalemoya, o be a berekela seteišeneng sa Ukhozi FM.
Lentšu la gagwe la matla, tumelo ye e tiilego le bokgoni bja go nolofatša dipelo tša batho di mo dirile gore a tšwelele.
Baopedi ba mmino wa sedumedi Rebecca Malope le Sipho Makhabane ba ile ba tšweletša maikutlo a bona, kage le bona ba lahlegetšwe.
A robale ka khutšo, gomme modiro wa gagwe wa borapedi o tla dula kgothatša setšhaba sa Afrika Borwa ka nako tšohle.
