Seopedi sa mmino wa Afrika Borwa, Nomcebo Zikode, o lahlegetšwe ke monyetla wa go fenya molato kgahlanong le kgwebo ya gagwe ya pele, Open Mic Productions.
Gomme kgoro ya tsheko e mo lefiša ditšhelete tša molao tša go lekana R280,000, o swanetše go lefa ka ge a lobile molato.
Molato wo o tšweletše ka morago ga kgopelo ya gagwe ya go appeal-a sephetho sa kgorotsheko.
O be a swanetše go tlogela kontraka ya gagwe le kgwebo ya gagwe ya pele, elego yona Open Mic Productions.
Kgorotsheko ya Pretoria e lemogile gore appeal ya gagwe ga e na menyetla ya go atlega, ke ka fao e ganneng appeal ya gagwe ka labone 24 July.
Ga bjale Nomcebo le khamphani ya gagwe ya Emazulwini Productions, ba laetšwe go lefa ditšhelete tša molao tša kgoro ye ya appeal.
Nomcebo o boletše gore sephetho se se mo kwiša bohloko kudu, ebile otlo tšwela pele go lwa gore a hwetše toka yeo e mo swanetšego.
Molato wa Nomcebo o bontšha mathata ao baopedi ba lebaneng le ona, gomme melato ya go swana le ye e direga bjalobjalo.
Mo nakong ye, batho ba bantši ba gopola ka bohlokwa bja go tseba melao ya konteraka pele ba saena le dikgwebo tša mmino.
