Moopedi wa mmino wa Amapiano, Scotts Maphuma wa go tuma o bontšhitše botho le lerato mo kgweding ya July 2025.
Mo matšatšing a bjale, Maphuma o dirile selo se se bontšhang botho ka ge file R1,000 go lenaneo la Add Hope la KFC la go fepa bana.
Add Hope ke leano la mohola leo le thomilego go KFC ya Afrika Borwa, leo le hlohleletšago batho go dira botho ka nako tšohle.
Ka moneelo wa R1,000, Scotts Maphuma o dirile gore bana ba go lekana palomoka ya 500 ba ikwe ba ratiwa ka lerato le borutho.
“Ke tseba bophelo bja tlala le yona R2 e ka fetoša bophelo” arealo Maphuma, a tlaleletša ka gore bonnyane bo a nalego le bona bo ka fihla kgole.
Gomme leeto la gagwe la mmino le ile la tuma ka potlako ka gobane o kgona go opela mmino wa Amapiano, gape le bafsa ba rata seo.
Ka mmino, o opela dikeledi le ditakatso tša batho gomme ka ditiro tša gagwe, o nea ditšhegofatšo.
Moneelo wo ke seetša se sesweu gare ga lefase leo le tletšego leswiswi, gomme se setla kaonafatša naga ya gabo rena.
