Sebini sa go tuma sa Afrika Borwa, Dr Goodwill Malinga, yena o tsebega setšhabeng sa mmino ka leina la Dr Malinga.
O keteka ngwaga wa pele wa ngwana wa gagwe wa mafelelo yo a bitšwago ka leina la Talent Malinga, gomme mokete wo o bohlokwa ka lapeng.
Go keteka letšatši la matswalo la Talent, Dr Malinga o ile a abela balatedi ba gagwe diswantšho tša semmušo tšeo di tšwago moletlong wa lelapa go dikgokaganyo tša leago.
Lelapa ka moka le be le apere diaparo tše di swanago tša mmala wa beige le tšhweu, gomme ba bontšha lethabo go ipshina.
Dr Malinga le mosadi wa gagwe, Boitumelo Malinga, ba nyalane semmušo ka ngwaga wa 2013, gomme ba sa swarane.
Boitumelo o tlile le morwa yo mongwe go tšwa kamanong ya pele, gomme mmogo le Dr Malinga ba belege bana ba bangwe ba bahlano.
Morwedi wa bona wa mathomo o latelwago ke Linga Malinga yo a belegwego ka June 2018.
Ka ngwaga wa 2020 ba ile ba amogela mafahlana a bašemane, ka morago ga fao gwatla yena Talent.
Dr Malinga o beya lapa la gagwe pele, ebile ofa bana ba gagwe lerato la go lekana ka nako tšohle.
