Go na le diphetogo tše dikgolo mo lenaneong la mohope wa Miss South Africa wa ngwaga wa 2025.
Mokgatlo wa Miss SA o dirile tsebišo ya semmušo go tsebiša batho gore, o emišitšwe gomme otlo tšwela pele kgwedi ye tlago.
Ka mengwaga e fetilego, nakong ya gona bjale ya ngwaga, bafenyi ba top 10 ba be ba šetše ba tsebagatšwa mo nageng.
Le ge dikgopelo di butšwe ka Moranang, ga se gwa ba le ditšhišinyo tša semmušo, gomme mokgatlo wo o be o sa dire tshedimošo.
Mokgatlo o be o gatelela bohlokwa bja go amogela bosadi bja nnete le go godiša boikgantšo.
Go be go le lešaba la basadi bao ba ilego ba romela dikgopelo tša bona, go akaretša le batho ba go tsebega setšhabeng.
Go ile gwa feta dikgwedi tše mmalwa ntle le tsebiso ya top 35, ditaba tša tšweletšwa go dikgokaganyo tša leago.
Ka morago ga se, go ile gwa tsebja gore CEO wa mehleng, Stephanie Weil, o tlogetše mošomo.
Batho ba bantši ba dutše ba letetše letšatši la semmušo leo mokgatlo wo wa Miss SA o tlo thomago go šoma gape.
Mokgatlo o tshepišitše gore ditokisetšo di sepela gabotse, gomme basadi ba Afrika Borwa ba tlo hwetša monyetla.
