Terry Bollea, yo a tlogago a tsebja e le Hulk Hogan wa gotšwa nageng ya America o hlokofetše a nale mengwaga ye 71.
Hulk Hoganke mongwe wa go tuma bjalo ka moraloki wa papadi ya go bethana elego yona Wrestling ka seisimane.
O ile a thoma la go ralokela lenaneo la WWE ka ngwaga wa 1977, leo kgale le bitšwa WWF nakong tša pele.
O ile a bapala dipapadi tše di se nago palo tše kgolo, go akaretša ntwa ya gagwe le Andre the Giant le Macho Man Randy Savage.
Hogan gape o ile a tsena lefapheng la boithabišo, moo a ilego a thuma le Sylvester Stallone mo filiming Rocky III ka 1982.
Moporesidente wa US Donald Trump o boletše gore Hulk Hogan e be e le sebopego sa bogale bja naga ya Amerika.
Sylvester Stallone, yo a ilego a bapala le Hogan mo filiming Rocky III (1982), o ile a ntšha maikutlo a gagwe go Instagram.
Ka 2015, WWE e ile ya mo tloša ka lebaka la polelo ya kgethologanyo ye e tšwešitšwego ka mokgwa wa sephiri.
Leina la gagwe le tla dula le ngwadilwe ka ditlhaka tše kgolo mo historing ya dipapadi tša WWE le lefase ka bophara.
