Setšhaba sa baphatlalatši ba ditaba sa Afrika Borwa se llela tahlegelo ya mongwadi yo mogolo Pearl Sebolao.
Yena o hlokofetše ka letšatši la Mokibelo, gomme lehu la gagwe le tiišeditšwe ke molaodi wa ditaba wa Arena holdings.
Sebolao o nale mengwaga ya ka godimo masome a mabedi (22) a le go bodirelo bja ditaba tša Sowetan.
Pele a tsena go Sowetan ka ngwaga o fetilego, o be a le mohlophadihlogo wa BusinessLIVE le Business Day.
Mohlophadihlogo wa Sowetan, Sibongakonke Shoba, le yena o hlalositše Sebolao bjalo ka mohlokomedi yo a bego a rata mošomo.
Go ya ka Makunga, Sebolao o be a sa šome fela bjalo ka mohlophadihlogo, efela a le mothuši, morutiši mo mmerekong.
Ditaba tša lehu la Sebolao di tlišitše maswabi a magolo mo setšhabeng sa ditaba le go bao ba bego ba šoma kgauswi le yena.
Ba bantši ba mo gopola bjale ka mosadi wa botshepegi, le wa go thuša ba bangwe ka lerato.
Lehu la gagwe ke tahlegelo ye kgolo mo setšhabeng sa baphatlalatši bja ditaba, ka ge a nale mengwaga ye mentšhi a šoma fao.
