Thando Thabethe, yo a tsebegago kudu mo Afrika Borwa bjalo ka sebapadi sa mananeo gape mma-kgwebo.
O kgethilwe bjalo ka Most Glamorous Media Personality, sefoka se se fiwago motho wa boraditaba yo a nago le setaele le serithi.
Moletlo wo wa go abiwa ga difoka o be o tletše dinaledi, batho ba kgahlišago mo lefelong la feshene, boraditaba le boithabišo.
Thabethe o ile a apere seaparo sa manobonobo se se dirilwego ke Gert-Johan Coetzee, gomme o ile a a bonagala bjalo ka mosadi wa maemo.
“Go tumišwa ga ka ka tsela ye ke a leboga. Glamour ga se fela ka moo o aparago ka gona, ke ka moo o itshwarago ka gona” arealo Thabethe.
Ka 2022, o thopile sefoka sa Afternoon Drive Presenter of the Year mo Radio Awards, Thabethe ke motho wa maitemogelo ele ruri.
Gape o ile a thopa SAFTA ya Best Actress in a TV Comedy ka karolo ya gagwe mo lenaneong la “How to Ruin Christmas”.
Mo nakong ye, Thabethe o ile a thoma le karolo ye nngwe ya kgwebo ka go tsebiša Tha’Bhuti, e lego staele sa diaparo tša banna.
Sefoka seo a se hweditšego go tšwa go Glamour SA ke bohlatse bja gore mošomo, boitshwaro le boikgafo di ka tlišang katlego e kgolo.
Thabethe o eme bjalo ka mohlala wa mosadi wa go ikgodiša le go hlohleletša bafsa ba bantšhi.
