Mošomi wa thelebišene le moemedi wa basadi, Siv Ngesi o tlišitše phetogo ye kgolo mo nageng ya Afrika Borwa.
O hlamile projeke e mpsha ka gare ga khamphani ya gagwe, projeke yewe keya go direla basadi dipeakanyo tša goya matšatšing.
Mosadi yo mongwe le mongwe o hloka se, ebile dilo tše elego gore di hlokega kgwedi e ngwe le ngwe.
Siv o gare ga mokgatlo wa Menstruation Foundation South Africa, e lego mokgatlo wa go abela basadi le basetsana ka ditshwanelo.
Mokgatlo wo ke o mogolo kudu mo Afrika, ebile o ikemišeditše go fa seriti le go thuša batho ba bantši ka dipeakanyo “sanitary pads “.
Ngesi o ile a dira tsebišo mengwageng ya go feta, gore o nyaka go hlama brand yeo eleng ya gagwe ya tšona dipeakanyo tše.
Gomme toro ya gagwe e phethagatše mo ngwageng wa 2025, ebile o šetše a dirile tsebišo go dikgokaganyo tša leago.
Ngesi o hlatsetše gore o nyaka go lwela ditokelo tša basadi le basetsana, gape le go fediša bohloki bja dipeakanyo.
Ke basetsana ba banthši bao ba hlokago monyetla wo mo nageng ya rena, ka ge tlhokego ya mešomo e iphile maatla.
