Moraloki wa difilimi le dithelevishene wa Afrika Borwa, Jonathan Pienaar, o hlokofetše ka mengwaga ye 63.
Go begwa gore Pienaar o hlokofetše mo mosong wa Mošupulogo kua Johannesburg, ka lebaka la mathata a pelo.
Lešibolo la gagwe la pele, Rosana Maya, o netefaditše lehu la gagwe ka poso ya gagwe ya Facebook semmušo.
“Monna yo mobotse kudu, moya o ikgethegilego, lefase le tlogetšwe ke seriti ge o sego go lona” arealo Maya
Go thwe bophelo bja Pienaar bo be bo thomile go putla dikgweding tša go feta, morago ga ge a be a kile a welwa ke bothata bja pelo.
Pienaar e be e le e nngwe ya ditsebi tše kgolo kudu tša bonono bja Afrika Borwa, gomme o be a na le maitemogelo.
O nale mengwaga ye e fetago masome a mararo (30) mo dithelevisheneng, difiliming le sethaleng.
O tumilele kudu ka dipapetšo tša gagwe tša dithelevishene tše bjalo ka Yizo Yizo (a bapala bjalo ka De Villiers).
O bile le karolo ye kgolo le mo mananeong a mangwe a go tuma go akaretša Generations, Binnelanders, Legacy bjalobjalo.
Mošomo wa gagwe wa mafelelo o akaretša filimi ya 2025 yeo e bitšwago Morbid: A Necromurder Story.
